Metrodayam
Qatarlar iki dəqiqədən bir gəlib gedir.
Minmirəm
Sayıram ömrümdən gedən dəqiqələri.
Qatarlar ötdükcə
Ömrümdən gedir.
Deyəsən lap qocalmışam…..
Diqqət,Diqqət
Sərnişinlərin nəzərinə
Qatar depoya gedir.

***

Get dərdini,qəmini
soyun gəl
Get üzünü çayda yu
qara bəxtini
suya axıt gəl!
Gəl bir az
üzünə,gözünə
sevinc sürtüm
xoşbəxtlik libası
alım bahalı.
Bəsdir nəfəs aldın
Bir az yaşa sən!

***

Telefon.
Nə qəribə aparatdı.
Arzulayanda basırsan düyməni
1 neçə dəqiqəlik
Səsin qonaq gedir
əzizinin səsinə
Deyirəm bir aparat olaydı
Düyməsini basaydın
qonaq gedəydin bir neçə dəqiqəlik əzizinə.